Ek moet reageer op die swartgallige kommentaar op 'n artikel waar 'n onderhoud gevoer word met FW de Klerk op Beeld (Verraaier? Daai naam pla hom nie).  'n Mens kan amper nie glo so 'n artikel kry die massa negatiewe reaksie wat dit kry nie. Kommentaar na kommentaar word "verraaier" soos uit 'n fabriekaanleg gepomp, en ook 'n hele rits ander nonsens. Word nou groot mense!

FW de Klerk het die Afrikaner gered, op meer as een manier. Was dit nie vir die onderhandelinge van daai tyd nie, sou dit nou honderd maal erger in SA gewees het.

So namens alle redelike Afrikaners, en mense wat kan dink en insig het, sê ek aan jou FW de Klerk: Jy is níé 'n verraaier níé!

Jy het die pad van versoening gevolg, en enige persoon wat hom of haarself as 'n Christen beskou, en Jesus verstaan, sal saam met jou loop.

Wys jou net, ware navolging van Jesus, van dit wat goed is en wat vir vrede maak, sal nooit bedmaats wees met die wat 'n kinderagtige mentaliteit van "Boere verkramptheid" openbaar nie.

FW, as jy 'n verraaier is, dan ek is ek trots saam met jou een.

Daar is nou 'n Afrikaanse snuffelgids op die internet! Dis nog splinternuut. Gaan kyk by www.voetstoots.net. Daar is 'n hele rits kategorieë om van te kies:

• Aankondigings
• Antiekware, Versamelstukke
• Baba, Kleuters, Speelgoed
• Besighede, Dienste
• Betrekkinge
• Boerdery, Industrie
• Boeke
• Eiendom – Te Koop
• Eiendom – Te Huur
• Elektroniese Goedere
• Gesondheid, Skoonheid
• Handwerk
• Huis, Lewensstyl
• Juweliersware, Horlosies
• Karavane, Kampeer Toerusting
• Kunswerk
• Musiek, Instrumente
• Sport, Ontspanning
• Stokperdjies
• Televisie, Films
• Troeteldiere
• Tuin, Buitelewe
• Vakansie, Akkomodasie
• Video Speletjies
• Voertuie – Motors
• Voertuie – Land & Water
• Volksvreemd

(Prent geneem van http://www.nasa.gov/mission_pages/hubble/exoplanet_transit.html)

Volgens Stephen Hawking is die enigste hoop vir die oorlewing van die mens om die ruimte te koloniseer. Ons hulpbronne is besig om op te raak.

Dit laat 'n mens dink.

Tans eksperimenteer NASA met maniere en idees hoe mense vir jare ruimtereis kan oorleef, selfs waar generasies opmekaar volg aangesien ruimtereis op hierdie stadium baie stadig is in vergelyking met die distansies wat afgelê moet word. Eintlik moet 'n mens dink of hierdie idee nie te vergesog is nie, aangesien ander sterre etlike, selfs miljoene, ligjare van ons verwyderd is.

So watter planeet (of planete) daarbuite het ons naam op?

Tans is daar so 400 sterre met planete, en so 470 planete altesaam buite ons sonnestelsel ontdek (sien PlanetQuest) . Die slegte nuus is is dat nie enige van die planete soos die aarde is nie. Dit laat 'n mens net weer besef hoe spesiaal hierdie derde rots vanaf die son is.

Kom ons sê maar daar word inderdaad 'n planeet ontdek waar mense kan woon, en die tegnologie bestaan om daar in 'n japtrap vervoer te word. Watter tipe mens sal daar wil gaan woon?

Wat is 'n mens sonder sy volk en vaderland? Terselfde tyd dink ek ook die volkstaters kan tog hulle eie Planeet Oranje gaan koloniseer … ons moet net vir hulle 'n ruimteskip skenk. Dink net. Star Trek word Die Groot Trek! So wie gaan eendag "Sarie Marie" of "De La Rey" vir die eerste keer op Planeet Oranje sing?

Kolonisasie van die ruimte sal geleenthede skep vir die ontstaan van nuwe identiteite. Die van ons wat nie in Planeet Oranje belang stel nie, en wat avontuurlustig is, sal deel vorm van nuwe gemeenskappe wat hopelik die beste uit mense sal bring.

Baie vrae duik ook op. Wie sal hierdie planete besit? Wie sal reg hê op hulle natuurlike hulpbronne? Wie sal kwalifiseer om te "emigreer"? Gaan korporasies, of regerings, hierdie nuwe fase van menswees domineer, manipuleer, en uitbuit vir persoonlike gewin? Mens bly maar mens – maak nie saak waar in die heelal jy jouself sal bevind nie.

Maar as ons op ander planete kan woon, wat sekerlik nog ver in die toekoms is, sal ons hopelik teen hierdie tyd al "groot" geword het.

Maar tog is daar baie wat hulle eie Boere republieke beplan en voorgee dat hulle aan te hoofd van de eie volksraad zijn staan. Dis jammer julle was ook nie op die video nie, dan kon hulle leierskap kwaliteite ook ten toon gestel geword het.

Het hy (uhm, Dr. uhm Dan Roodt) regtig nie geweet dat hy vir die gek gehou word, soos beweer word in Lood se praatjies? Of was hy daarvan bewus gewees maar wou nie die goeie geleentheid vir publisiteit laat wegglip nie?

Nee wag, miskien het hy maar mooi saamgespeel, en so namens die Afrikanervolk ingewillig om die gek te wees sodoende die Afrikanervolk se hunkering na "vryheid" vir die wêreld bekend te maak. Dankie vir jou opoffering namens die Afrikaner

Wanneer was die laaste keer wat ons 'n ordentlike rolprent in Afrikaans gesien het? Was daar ooit 'n ordentlike rolprent in Afrikaans? Vertel my as jy van iets weet.

Tensy jy 'n aanhanger van slapstick comedy is, is die jongste vrystellings maar baie vlak – dit lyk my ons kan nie Leon Schuster of  Willie Esterhuizen en 'n Vetkoek Paleiserige mentaliteit op die grootskerm (of DVD's deesdae) met iets beter vervang nie.

Ja, dit kos geld, maar is daar nie een regiseur wat 'n bietjie visie het nie? Ons praat hier van 'n rolprent wat interessant en opwindend is, avontuurlik, of selfs iets uitdagend en intilligent is. Kan ons ook asseblief wegbeweeg van depressiewe en slaan my maar liewers dood stories. Ons het al meer as genoeg van hierdie genre gehad.

Is daar een regiseur, of entrepreneur, daarbuite wat hierdie noodkreet verstaan en iets daaromtrent sal kan doen?

So 'n paar dinge wat vir my uitstaan omtrent die 2010 hoe-ha:

1. Eerstens, die hele toernooi blyk 'n reuse sukses te wees. Geluk aan Danny Jordaan en sy span. As die regering maar net so professioneel kan wees.
2. Vir 'n rukkie het Suid-Afrikaners iets in gemeen gehad. Dit is 'n wenresep vir samewerking en 'n nasie wat vorentoe kan beweeg. Wat sal al ons mense bind na 2010? Op die stadium lyk dit of daar niks bestaan in terme van politieke leierskap nie, maar beslis die goedheid van normale mense is iets om op te bou.
3. Afrikaners het deelgeneem en dit was lekker. Ja, daar is tog lewe te vinde buiten rugby, brandewyn en biltong.
4. Julius Malema is tjoepstil. Wie het vir hom wat gesê? Hoop dit sal werk tot lank na die sokker gedoente.
5. Maradona se passie vir sy land, span, en sport. As ek maar tog net so 'n passie vir alles in die lewe gehad het.
6. Die stadions was basies altyd vol. Wat 'n mooi gesig dat mense van oor die hele wêreld ons land so geniet.
7. Vuvuzelas het mense oor die hele wêreld aan die gons, of ten goede of ten kwade. Gelukkig het ek imuun begin word so die irritasie faktor is nou amper nul.
8. Daar was min gevalle (sover) van misdaad – as dit maar net volhoubaar kan wees.
9. Afrika is nie meer die wêreld se gat nie. Goeie dinge kan hier plaasvind, dws, as jy die regte mense gebruik, en nie mense soos by Eskom wat hulself 'n vet verhoging gee maar bitter min bereik het.
10. Laastens, Duitsland lyk onstuitbaar te wees …

Miskien moet MAFIFA aan bewind bly. Dit het lanklaas so goed met ons gegaan.

Herodotus, die Griekse skrywer, het so 500 v.C. al waargeneem:

As enige iemand, maak nie saak wie hy is nie, ooit die geleentheid gegee word om te kies watter gebruike van al die nasies die beste is, sal hy uiteindelik, na noukeurige bepeinsing van hulle meriete, die van sy eie land kies. Almal, sonder uitsondering, glo hulle eie gebruike en geloof waarin hulle groot geword het, is die beste; dus, dit is onwaarskynlik dat enige iemand, behalwe 'n kranksinnige persoon, sulke dinge sal bespot. Daar is baie bewyse dat hierdie die universele gevoel is oor antieke gebruike van jou land (Geskiedenisse 3.37 – vrye vertaling).

Sal ons hierdie sienswyse kan ontgroei? – ek hoop so.

En hoe ons as Afrikaners kan floreer – dankie Prof Danie Goosen (Afrikaners streef daarna om te floreer). Ons floreer deur om 'n positiewe (tog gesonde) selfbeeld te hê, en met ander mense saam te werk en brûe te bou. Dit is positiewe denke.

Na so 'n bietjie gesoek kan mens die webtuiste van die Kommandokorps in die hande kry. Dit is 'n geregistreerde Artikel 21 sekerheidsmaatskappy gestig deur ou weermag offisiere wat hulleself  toespits op die beveiliging van mense, of beter gestel, die opleiding en bewapening van die Boerevolk of kamerade teen die "vyand". Hulle doel is onder andere soos volg:

Die primêre doel van die Kommandokorps is dat lede ‘n veiligheidsnetwerk in hul omgewing op die been sal bring wat in tye van nood en anargie mekaar sal bystaan en beskerm. Die netwerk bestaan uit verskeie komponente wat almal daarop gemik is dat lede wedersydse beveiliging aan mekaar verskaf deur middel van;

1. Gereelde veiligheidsopleidingskursusse en skietdae.
2. Gemeenskapsreaksie wanneer ‘n ander lid in tye van onrus en anargie dit sou aanvra.

Ons onderneem dus om;

• mekaar se lewens en eiendom so ver moontlik onderling te beskerm en te beveilig.
• Gemeenskapsveiligheid en stabiliteit in wyks- en gebiedsverband te bewerkstellig.
• ‘n landwye beveiligingsnetwerk te vestig.
• die Kommando-stelsel landwyd te hervestig
• die Kommando-stelsel self te bedryf

[ ... ]

Vereistes vir Lidmaatskap
Enige Kaukasiër (Blanke) kan om lidmaatskap vd Kommandokorps aansoek doen mits hy of sy;

• Reeds die ouderdom van 16 jaar bereik het.
• Die Reglement van orde van die Kommandokorps onderskryf.
• Die voorgeskrewe prosedures om lidmaatskap volg.
• Die verpligte ledegeld soos deur die Opperraad van die korps bepaal, betaal.
• Nie ‘n lid is van ‘n organisasie wat nie- Christelike waardes onderskryf nie.

As 'n mens na die fotos op hulle webtuiste kyk (mense op perde, die ou landsvlag, die Vierkleur of ou Vrystaat vlag, gewere en nogmaals gewere, kadette wat marsjeer en "leopard crawl") lyk dit meer asof hulle regmaak vir oorlog, maar 'n oorlog wat so 100 jaar te laat gekom het.

Eintlik is hulle maar net 'n voorbeeld van Afrikaner-primordialisme. Selfverdediging – wat ons almal benodig teen misdaad – word geklee in Afrikaner, of te wel, "Boere" simboliek en kultuur. M.a.w. selfverdediging is eintlik maar net 'n verskoning vir die uitleef van 'n eng en eiebehepte identiteit.

Dit is 'n oorlog van die (Boere-)bewussyn, 'n bewussyn wat nie kan aanpas nie. Dit is patetiese magteloosheid wat homself wil voorgee as 'n rotsvaste "waarheid" en bron van sekuriteit. Wie wil aan so 'n Afrikaner- of Boere-identiteit deelneem?

Hulle doen ook 'n oproep om 'n kommando te stig in jou area. So kameraad, is jy magteloos genoeg om aan te sluit?

Afrikaners is maar 'n mengelmoes van oortuigings en lewenstyle maar almal sal met sommige kultuuraspekte kan identifiseer tot 'n groter of mindere mate.

So wat se tipe Afrikaner is jy? Die onderstaande is nie veronderstel om breedvoerig te wees nie, en bevat ook so 'n paar veralgemenings! Wat nie hier ingesluit word nie is finotepiese kenmerke (fisiese eienskappe soos velkleur), aangesien dit nie hier ter sprake is nie.

—————————————-

—————————————-

—————————————-

—————————————-

—————————————-

—————————————-

—————————————-

—————————————-

Bostaande sinspeel op mense wat moeilik in die nuwe Suid-Afrika aanpas, en die wat makliker aanpas. Kan ons sê dat dit sinspeel op mense wat meer negatiewe of meer positiewe gesindhede openbaar in die konteks van ons huidige situasie?

My probleem is dat sekere mense hulle Afrikaner-identiteit gebruik om hulleself te distansieer van huidige sosiale probleme of selfs geleenthede wat daar bestaan. Hulle hunker na vervroeë dae en bou lugkastele van "Boere vryheid" en is patalogies negatief. Hulle krepeer in sielkundige "Afrikaner-kloosters". Afrikaner identiteit het hierdie uitkyk op die lewe nie nodig nie.

Meer positief, daar is baie wat hulle Afrikaner identiteit geniet, en nog meer, dit op 'n intelligente manier uitleef en van die kultuurs-diverse lewe 'n fees maak.