Op soek na ‘n intilligente rolprent asseblief!
Wanneer was die laaste keer wat ons 'n ordentlike rolprent in Afrikaans gesien het? Was daar ooit 'n ordentlike rolprent in Afrikaans? Vertel my as jy van iets weet.
Tensy jy 'n aanhanger van slapstick comedy is, is die jongste vrystellings maar baie vlak – dit lyk my ons kan nie Leon Schuster of Willie Esterhuizen en 'n Vetkoek Paleiserige mentaliteit op die grootskerm (of DVD's deesdae) met iets beter vervang nie.
Ja, dit kos geld, maar is daar nie een regiseur wat 'n bietjie visie het nie? Ons praat hier van 'n rolprent wat interessant en opwindend is, avontuurlik, of selfs iets uitdagend en intilligent is. Kan ons ook asseblief wegbeweeg van depressiewe en slaan my maar liewers dood stories. Ons het al meer as genoeg van hierdie genre gehad.
Is daar een regiseur, of entrepreneur, daarbuite wat hierdie noodkreet verstaan en iets daaromtrent sal kan doen?
Daar is 4 Mening(s) vir "Op soek na ‘n intilligente rolprent asseblief!"
Ek stem heelahrtig saam.
Daar was egter 'n fliek nie te sleg nie, so jaar of drie gelede. "Ouma se Slim Kind" deur Gustav Kuhn. Goed gedoen, hoewel die toneelspel hier en daar effe pla.
Dalk sal julle dit geniet.
Hullo Peet, dankie vir die inloer. Sal kyk of ek dit in die hande kan kry.
Kry Afrikaanse fliekkykers wat hulle verdien? – http://www.beeld.com/MyBeeld/JouStorie/Afrikaanse-flieks-20100712
Wel, ons verdien ook iets baie, BAIE goed!
Jy slaan die spyker op sy kop Nadenker. Kan aan geen ordentlike Afrikaanse fliek dink wat ek al ooit gesien het nie, dus gaan kyk ek nie eers meer as een uitkom nie. Die Worsies en die Poenas is bekotsenswaardig. Dink hulle ons is dom, of is ons so dom?
As dit by boeke kom gaan dit nie veel beter nie.